圖文不符
今天的主題不是成為Anson Lo的fans或fans的friends
主題是完成今日要完成的事情,在歸途路經不再冷冷清清的五枝旗桿
一早收到一大堆昨日查詢的醫學檢查中心whatsapp和電話。
竟然七間、其中一間安排到今午有位做檢查。
心情是有點緊張,因為是檢查,和以平民價錢book到間米住連星星餐館的驚喜,有極大的距離。應做的,便不用想太多。
以我要有幾粒米到肚的人,踏入午後已手軟腳軟。飲多幾啖水,會沖淡不聽洗,不停走出來的胃酸朋友。
空腹了多時,個腦同軀殼一齊雲遊仙境,飄呀飄
檢查順利完成,要在休息室休息15 分鐘。
沒有鐘、也沒有錶。用大台卡通片來估時間。看了半部麵包超人。一套rilu rilu fairilu, 估計大約三十分鐘。太肚餓,也要抵住穿檢查衣那種尷尬,經過reception到護士站找護士。
護士站沒有人
但有個人坐在等候區望下我,下意識想快閃番入休息室。
但呢個人問我,係唔係好凍
原來是aleemama!我個同學！
Surprise! 不過太想縮番入休息室。同學好明白我一嚿雲,問我做咩。同reception姐姐遠咁問：護士話15分鐘會來找我拆drip, 但未見到佢,於是我行出來問。
再等,終於可以接回自己的衣服。辦過手續。
同學問：你係唔係成八個鐘無食嘢？
我問非所答:你係唔係嚟帶個包俾我食!
於是,呢位同學就好似我哋中一放飯,由學校高座9樓課室一齊碌落低座飯堂的氣勢,向有嘢食的地方進發了。當然,沒洗提起中一的腳步了。
至於,點解呢位同學咁厲害,可以locate到我,咁,是一個謎
我都覺得呢位同學都好陰功咁等到發咗毛、而且餓到震。呢位可愛的同學話我知,我在「進星」做檢查。咁到俾你揾到我,佩服佩服。
that's what friends are for
天父,知曉一切。
No comments:
Post a Comment